"Барселона" президенти Жоан Лапорта жамоа ярим ҳимоячиси Дро Фернандеснинг "ПСЖ"га ўтиши тафсилотлари ҳақида гапирди.
Аввалроқ, футболчи Париж грандининг таклифини қабул қилишга қарор қилгани ҳақида хабарлар тарқалган эди.
"Биз унинг шартномасини 18 ёшида узайтириш бўйича келишувга эришган эдик, аммо кейин унинг агенти охир-оқибат фикридан қайтганини айтди. Бу ёқимсиз ҳолат эди," - дея Лапортанинг сўзларини келтиради Фабрицио Романо.
Каталонияликлар президенти 18 ёшли футболчининг қарори уни анча ҳайрон қолдирганини тан олди. 2025/2026 йилги мавсумда Дро барча клуб турнирларида саккизта ўйинда майдонга тушиб, битта голли узатмани амалга оширди.
Ҳозирча футболчининг "Барселона" билан амалдаги шартномаси 2027 йилнинг 30 июнига қадар мўлжалланган. Унинг бозор қиймати ўн миллион еврони ташкил этади.
