"Манчестер Юнайтед" сардори Бруну Фернандеш яна бир бор голли узатма амалга оширди. Якшанба куни португалиялик футболчи "қизил иблислар"га меҳмонда "Арсенал" устидан кутилмаган ғалабани қўлга киритишда ёрдам берди (3:2) ва 50-дақиқада Патрик Доргуга ассистентлик қилди. Премьер-лиганинг жорий мавсумида Фернандеш ўнта голли узатмани амалга оширди. Opta хабарига кўра, 31 ёшли португалиялик "МЮ" вакили Уэйн Рунидан кейин АПЛнинг кетма-кет икки мавсумида 10+ голли узатма амалга оширган илк футболчига айланди.

"Манчестер Юнайтед" чемпионат жадвалида тўртинчи ўринни эгаллаб турибди. Келаси якшанба, 1 февраль куни Майкл Кэррик жамоаси ўз уйида "Фулхэм"ни қабул қилади.