"Фламенго" ярим ҳимоячи Лукас Пакетани сотиб олиш бўйича "Вест Хэм" билан олиб борилган музокараларда тўлов шартларини ўз фойдасига ҳал қилди. Бу ҳақда журналист Вене Казагранде хабар берди.
Аввалроқ, клублар 28 ёшли футболчининг 41,25 млн евролик трансфери бўйича келишувга эришгани хабар қилинганди. Пакета Бразилия чемпионатига ўтган энг қиммат футболчига айланади.
Казагранде хабарига кўра, инглиз клуби тўловларни 2026, 2027 ва 2028 йилларда бўлиб-бўлиб олишга рози бўлган. Энди клублар ҳар бир тўлов миқдорини, шунингдек, "Фламенго" олдиндан тўлайдиган суммани муҳокама қилмоқда.
Таъкидланишича, барча масалалар деярли ҳал қилинган, битим ниҳоясига етишга жуда яқин.
Лукас жорий мавсум АПЛда 18 та ўйинда майдонга тушиб, 4 та гол ва 1 та голли узатмага муаллифлик қилди.
