Бразилиялик яримҳимоячи Рафаэл Сабино фаолиятини Ўзбекистон чемпионатида давом эттиради. 29 ёшли футболчи «Хоразм» клуби билан шартнома имзолади.

Эслатиб ўтамиз, ўтган мавсумда Сабино «Қизилжар» сафида тўп сурган. ҚПЛ–2025 мавсумида у Петропавл клуби таркибида 19 та учрашувда майдонга тушиб, 1 та гол урган. Шунингдек, Қозоғистонда Рафаэл «Ақжайиқ» жамоасида ҳам ўйнаган.

Унинг профессионал фаолияти давомида бразилиялик футболчи ватанида «Гремио Баруэри», «Гремио Катандувенсе» ва «Жагуариуна» клублари шарафини ҳимоя қилган, 2018–2021 йиллар оралиғида эса Украинада «Львов» жамоасида тўп сурган.

Рафаэл Сабино
Туғилган йили: 17.06.1996
Амплуаси: Ярим ҳимоячи
Миллати: Бразилия
Бўйи: 1,78 м
Қайси жамоадан келди: «Қизилжар» футбол жамоаси