"Реал" бош мураббийи Карло Анчелотти International Champions Cup финалида "Челси" устидан қозонилган ғалабадан сўнг (3:1) жамоа ҳужумчиси Криштиану Роналдуни мақтади. Мураббийнинг фикрларини "AS" газетаси чоп этган.
"Криштиану - "Реал"нинг энг муҳим алмаштириб бўлмас ўйинчиси. У бизга сув ва ҳаводай зарур.
У кўп гол уради ва майдонда чин юракдан меҳнат қилади. У мураббийнинг ишини анчагина осонлаштиради.
Роналдунинг қўл остимдаги жамоада эканидан хурсандман, чунки у ҳақиқий профессионал. Ўз ишига жиддий муносабатда бўлади", дейди Анчелотти.
