"Бавария" ва "Шальке" клубларининг собиқ ҳимоячиси Рафинья "Сан-Паулу"да раҳбарлик лавозимини эгаллади.

Бугун Бразилия клуби 2025 йилнинг июлида фаолиятини якунлаган 40 ёшли собиқ футболчини спорт директори лавозимига тайинлаганини эълон қилди.

"Мен учун бу чақириқ. Мен туғилганимдан бери футбол билан шуғулланаман, бу муҳитда бўлишни ёқтираман ва мени "Сан-Паулу" чақирса, бу чақириқ. Мен мураббийлар штаби ва директорлар кенгаши ўртасида боғловчи бўғин бўламан, ҳар куни, машғулотларда ва сафарларда футболчилар билан бирга бўламан.

"Сан-Паулу"га боғланиб қолганимни ҳамма билади. Мен қайтишга ва яна ёрдам беришга тайёрман", - деди Рафинья.