"Барселона" ҳужумкор ярим ҳимоячиси Фермин Лопес клуб академиясида ўтказган даврларни ёдга олди.
"Футболдан воз кечиш ҳақида ҳеч қачон ўйламаганман, лекин академиядаги ўсмирлик йилларимда ўзимни жамоадошларимдан анча паст даражада ҳис қилардим.
Бир пайтлар майдонга тушмай қўйдим ва ўзимга "уйга қайтаман", дедим. "Ла Масия"да йиғлаган пайтларим ҳам бўлган — ўша давр мен учун жуда оғир эди. Баъзан ҳаммасидан воз кечиш ва кетиб қолиш ҳақида ҳам ўйлардим", - деди 22 ёшли испаниялик футболчи.
Жорий мавсумда Фермин жами 25 та ўйинда 10 тадан гол ва ассист муаллифи бўлган.
