Миралем Пьянич ижтимоий тармоқда таъсирли пост қолдирди. Босниялик футболчи фаолиятини якунлаганини расман эълон қилди.
"Мен бир умр ўз куйимни чалиб яшадим. Ҳар бир тегиниш, ҳар бир узатма, ҳар бир зарба - нотага ўхшайди. Футбол менинг мусиқам, майдон менинг пианинам эди. Менинг орзум ҳар доим бу ўйиннинг гўзаллигини сизга эшиттириш эди. Бугун миннатдорлик туйғуси билан айта оламан: бу симфония менинг ҳаётим эди. Уни барчангиз билан баҳам кўриш мен учун шараф бўлди", - деб ёзган Пьянич.
Нашрнинг давоми сифатида 35 ёшли Пьянич фаолияти давомида турли клубларда тўқнаш келган барча футболчилар, мураббийлар, ходимлар ва мухлисларга миннатдорчилик билдирган.
