Miralem Pyanich ijtimoiy tarmoqda ta’sirli post qoldirdi. Bosniyalik futbolchi faoliyatini yakunlaganini rasman e’lon qildi.
"Men bir umr o‘z kuyimni chalib yashadim. Har bir teginish, har bir uzatma, har bir zarba - notaga o‘xshaydi. Futbol mening musiqam, maydon mening pianinam edi. Mening orzum har doim bu o‘yinning go‘zalligini sizga eshittirish edi. Bugun minnatdorlik tuyg‘usi bilan ayta olaman: bu simfoniya mening hayotim edi. Uni barchangiz bilan baham ko‘rish men uchun sharaf bo‘ldi", - deb yozgan Pyanich.
Nashrning davomi sifatida 35 yoshli Pyanich faoliyati davomida turli klublarda to‘qnash kelgan barcha futbolchilar, murabbiylar, xodimlar va muxlislarga minnatdorchilik bildirgan.
