Мадриднинг “Реал” клуби бош мураббийи Альваро Арбелоа жамоа ҳужумчилари Килиан Мбаппе ва Винисиус Жуниорни айни пайтда дунёнинг энг кучли икки футболчиси деб эътироф этди. Бу ҳақда Daily Post нашри хабар берди.

“Мбаппе ва Винисиус? Улар дунёнинг энг кучли икки футболчиси. Айни пайтда Винíсиус ҳам, Мбаппе ҳам юқори формада. Улар билан бир жамоада ишлаётганимдан жуда хурсандман. Биз ҳозир Винисиуснинг энг яхши даврига гувоҳ бўляпмиз. Унинг бу ерда бўлиши — мен учун катта омад”, деди Арбелоа MadridXtra нашрига берган интервьюсида.

Маълумот учун, “Реал Мадрид” Испания Ла Лигаси 21-туридан сўнг 51 очко жамғарган ҳолда турнир жадвалида иккинчи ўринни эгаллаб турибди. Клуб екатчи “Барселона”дан 1 очко ортда қолмоқда. “Қироллик клуби” навбатдаги учрашувни “Раё Валекано”га қарши ўтказади.

Эслатиб ўтамиз, Арбелоа яқинда “Реал” бош мураббийи этиб тайинланди. Мутахассис бунга қадар ўринбосарлар жамоаси — “Кастиля”да ишлаб келаётган эди. У ҳозирга қадар клуб устози сифатида 4 та учрашув ўтказиб, 3 та ғалаба ва 1 мағлубият қайд этган.