Роппа-роса икки ойдан сўнг, 27 март куни Аргентина ва Испания терма жамоалари Финалиссимада тўқнаш келади. Аргентина терма жамоасининг собиқ футболчиси Анхель ди Мария бўлажак ўйин ҳақида гапирди.
"Бу дунёдаги энг яхши икки терма жамоа. Умид қиламанки, Аргентина ютади. Ўйин томошабоп бўлади, чунки жамоаларнинг ритми ва ўйинни кўриш қобилияти ўхшаш. Бу ўйинда тўп учун ҳақиқий кураш бўлади, чунки иккала жамоа ҳам бир хил ўйнайди," - деди ди Мария AS нашрига берган интервьюсида.
2022 йилда Аргентина терма жамоаси Финалиссимада Италияни 3:0 ҳисобида мағлуб этганди. Ўшанда голлардан бирини Анхель ди Мария урганди.













