Дарвозабон Андре Онана "Манчестер Юнайтед"нинг асосий дарвозабони мақомини йўқотди ва сентябрь ойида "Трабзонспор"га ижарага кетди. Камерунлик футболчи яқин келажакда "Интер"га қайтиши мумкин.
Daily Mail саҳифаларида ёзилишича, Онананинг вакиллари шу ҳафта Миланда бўлиб турибди. Улар аллақачон "Интер" вакиллари билан учрашиб, дарвозабоннинг қайтиши масаласини муҳокама қилишган.
Андре Онана 2022/2023 йилги мавсумда "Интер" шарафини ҳимоя қилган. Камерунлик футболчи "нерадзуррилар" сафида 41 та ўйинда 36 та гол ўтказиб юборган.
Нуфузли Transfermarkt портали мутахассислари Онанани 15 миллион еврога баҳоламоқда. Апрель ойида Андре 30 ёшга тўлади.













