ПСВ вингери Иван Перишич яқин кунларда Миланнинг "Интер" клубига кўчиб ўтиши мумкин. Хорватиялик тажрибали футболчи "нерадзуррилар"нинг нишони бўлиб қолмоқда, аммо клубда бошқа номзодлар ҳам кўриб чиқилмоқда.
Журналист Фабрицио Романонинг ёзишича, бугун кўп нарса ҳал бўлади: агар ПСВ Чемпионлар Лигаси плей-офф босқичига чиқса, Перишични ўз томонига оғдириш осон бўлмайди, агар жамоа турнирни тарк этса, футболчи шахсан ўзи кетишини талаб қилади.
Умумий босқичнинг сўнгги турида эйндховенликлар ўз уйида "Бавария"ни қабул қилади. Мюнхен гранди учун бу ўйин аҳамиятига эга эмас, ПСВ эса ғалаба қозонса, плей-оффнинг дастлабки босқичига йўл олади.
