"Манчестер Сити" бош мураббийи Хосеп Гвардиола марказий ҳимоячи Натан Акени сотиш ғоясини маъқулламаяпти.
"Шаҳарликлар" нидерландиялик футболчи бўйича таклифларни қишки трансферлар ойнасида кўриб чиқиши кутилганди, аммо ҳимоядаги жароҳатлар инқирози туфайли вазият ўзгарди. Voetbal International хабарига кўра, "Милан" Акени ўз сафига қўшиб олишга қизиқиш билдирмоқда ва аллақачон "Манчестер Сити"га сўров билан чиққан, аммо инглиз гранди раҳбарияти ва мураббийи Хосеп Гвардиола музокара ўтказишдан бош тортган.
Натан Акенинг меҳнат шартномаси бир ярим йилдан кейин тугайди, унинг Transfermarkt сайтидаги нархи - 18 млн евро. 30 ёшли футболчига "Барселона" ҳам қизиқиш билдираётган эди.













