Испаниянинг "Атлетико" клуби бош мураббийи Диего Симеоне Чемпионлар лигаси умумий босқичининг 8-туридан ўрин олган Норвегиянинг "Будё-Глимт" жамоасига қарши кечадиган ўйин ҳақида фикр билдирди. Учрашув бугун, 28 январь куни бўлиб ўтади.
"Дастлабки саккизликка кириш учун бошқа натижалар бизнинг фойдамизга ҳал бўлиши керак, лекин биринчи навбатда ўзимиз яхши натижага эришишимиз керак. "Будё-Глимт" бир нечта жуда қийин ўйинларни ўтказди ва сафарда жуда зўр ўйнади. Дортмундда ажойиб курашди, "Сити"ни мағлуб этди. Улар нимани хоҳлашларини билишади, яъни тезда қарши ҳужумларга югуриш ва уларнинг энг яхши ўйинчиси бўлган Йенс Петтер Хёгени топиш. Бу техник жамоа, биз ўйинни уларга муаммо келтира оладиган йўналишга буришимиз керак бўлади", - дея Симеоненинг сўзларини келтиради УEФА расмий сайти.
