Ispaniyaning "Atletiko" klubi bosh murabbiyi Diyego Simeone Chempionlar ligasi umumiy bosqichining 8-turidan o‘rin olgan Norvegiyaning "Budyo-Glimt" jamoasiga qarshi kechadigan o‘yin haqida fikr bildirdi. Uchrashuv bugun, 28 yanvar kuni bo‘lib o‘tadi.

"Dastlabki sakkizlikka kirish uchun boshqa natijalar bizning foydamizga hal bo‘lishi kerak, lekin birinchi navbatda o‘zimiz yaxshi natijaga erishishimiz kerak. "Budyo-Glimt" bir nechta juda qiyin o‘yinlarni o‘tkazdi va safarda juda zo‘r o‘ynadi. Dortmundda ajoyib kurashdi, "Siti"ni mag‘lub etdi. Ular nimani xohlashlarini bilishadi, ya’ni tezda qarshi hujumlarga yugurish va ularning eng yaxshi o‘yinchisi bo‘lgan Yens Petter Xyogeni topish. Bu texnik jamoa, biz o‘yinni ularga muammo keltira oladigan yo‘nalishga burishimiz kerak bo‘ladi", - deya Simeonening so‘zlarini keltiradi UEFA rasmiy sayti.