Англиянинг "Тоттенхэм" клуби бош мураббийи Томас Франк Чемпионлар лигаси умумий босқичининг 8-туридан ўрин олган Германиянинг "Айнтрахт" жамоасига қарши ўйин олдидан жароҳат олган футболчилар ҳақида гапирди. Учрашув бугун, 28 январь куни бўлиб ўтади.
"Рандал Коло-Муани ва Уилсон Одобер ўзларини жуда яхши ҳис қилишмоқда. Афсуски, улар кичик автоҳалокатга учрадилар, лекин ҳаммаси жойида. Улар бироздан кейин сафарга чиқишади. Педро Порро сонининг орқа мушакларидан жароҳат олди ва 4 ҳафта майдонга туша олмайди. Мики ван де Венда қандайдир арзимас нарса бор ва у биз билан кетмади", - дея Франкнинг сўзларини келтиради UEFA расмий сайти.
