Хабар берганимиздек, «Навбаҳор» бугун Туркиядаги учинчи халқаро ўртоқлик баҳсини Шимолий Македониянинг «Пелистер» ФК (Битола) жамоасига қарши ўтказди.

Мазкур ўйинда «лочинлар» бош мураббийи Тимур Кападзе майдонга қуйидаги футболчиларни туширди.

1-бўлимда: Валижон Раҳимов, Саидазамат Мирсаидов, Шоҳруҳ Абдураҳмонов, Русланбек Жиянов, Диёр Холматов, Забиҳилло Ўринбоев, Шоҳмалик Комилов, Бенжамин Тейди, Ваня Илич, Умар Адҳамзода, Анри Чичинадзе.
2-бўлимда: Шукрон Йўлдошев, Зафаржон Раҳимжонов, Исломбек Маматказин, Муҳаммадали Ғиёсов, Муслимбек Ҳабибуллаев, Бекзод Ғофуржонов, Муҳаммадбобур Мўйдинов, Исохон Мусохонов, Ҳабибулло Жапаралиев, Муҳаммадали Усмонов ва кўрикдаги футболчи.

Ушбу учрашувда «Навбаҳор» 2:1 ҳисобида ғалаба қозонди. Ўз ўрнида таъкидлаш жоизки, мазкур ҳисоб танаффусгача қайд этилганди. Иккинчи бўлимда эса ушбу ҳисоб ўзгаришсиз қолди.

Наманганликларнинг голларига Русланбек Жиянов ҳамда Саидазамат Мирсаидовлар муаллифлик қилишди.

Жамоа аъзолари Туркиядаги биринчи ўқув-машғулот йиғинини 30 январь куни якунлаб, юртимизга қайтишади.

«Навбаҳор» ПФК матбуот хизмати.