"Ал-Иттиҳод" ҳужумчиси Карим Бензема майдонга тушмоқчи эмас. Журналист Санти Ауна хабарига кўра, 38 ёшли футболчи клубнинг янги шартнома бўйича таклифидан норози, шунинг учун Саудия чемпионатининг "Ал-Фатеҳ"га қарши бўлажак ўйинини бойкот қилишга қарор қилган. Юлдуз ҳужумчи раҳбариятга муносиб таклиф бўлмагунча ўйнамаслигини маълум қилди.
Карим Бенземанинг "Ал-Иттиҳод" билан амалдаги меҳнат шартномаси ярим йилдан кейин ўз ниҳоясига етади. Ҳужумчи Мадриднинг "Реал" клубида 14 йил ўйнагач, 2023 йилнинг ёзида Саудия Арабистонига кўчиб ўтганди.
"Ал-Фатеҳ" - "Ал-Иттиҳод" учрашуви 29 январь куни бўлиб ўтиши режалаштирилган.
