Лондоннинг "Арсенал" клуби бош мураббийи Микель Артета Чемпионлар лигаси умумий босқичидаги 1-ўрин ҳақида гапирди.
Эслатиб ўтамиз, "канонирлар" бирорта ҳам очко йўқотишмади ва босқичнинг барча 8 ўйинида ғалаба қозонишди. Сўнгги учрашувда эса Қозоғистоннинг "Қайрат" жамоаси устидан қийин ғалабага эришилди (3:2).
"Биринчи ўрин маълум бир имтиёзларни беради, бу бизга икки ўйин камроқ ўйнаш ва нимчоракда уйда устунликка эга бўлиш имконини беради, шунинг учун биз фақат кутишимиз ва кейинги босқичда ким билан тўқнаш келишимизни кўришимиз керак," - деди Артета.
