Лиссабоннинг "Бенфика" клуби дарвозабони Анатолий Трубин Чемпионлар лигаси 8-туридан ўрин олган "Реал" Мадридга қарши баҳсда гол урганидан сўнг ўз фикрларини билдириб ўтди.
«Аввалига мендан нима исташаётганини тушунмадим. Кейин мени рақиб жарима майдонига юборишаётганини тушундим ва у ерга югурдим. Бу ақлдан озиш эди. Гол уришга муваффақ бўлдим. Бу менинг фаолиятимдаги биринчи гол. Ажойиб лаҳза», - дея украиналик дарвозабоннинг сўзларини келтиради A Bola нашри.
"Бенфика" ўз майдонида Альваро Арбелоа шогирдларини 4:2 ҳисобида мағлуб этди. Трубиннинг голи эвазига Жозе Моуриньо жамоаси Европа Чемпионлар Лигаси плей-офф босқичига йўл олди.
