УЕФА Чемпионлар лигаси умумий босқичининг сўнгги турида Лиссабоннинг "Спортинг" клуби сафарда Бильбаонинг "Атлетик" клубини 3:2 ҳисобида мағлубиятга учратди. Бу натижа ҳақида португаллар устози Руй Боржес ўз фикрларини билдириб ўтди.
"Плей-оффга чиқиш бизнинг асосий мақсадимиз эди. Умумий раунд натижаларига кўра, биз энг яхши саккизта жамоа қаторидан жой олишга муваффақ бўлдик. Бундай буюк клублар сафида бўлиш биз учун улкан шараф," - дея бош мураббийнинг сўзларини келтиради УEФА матбуот хизмати.
Саккиз тур якунларига кўра, лиссабонликлар 16 очко жамғариб, Европа Чемпионлар Лигаси умумий босқичининг якуний жадвалида еттинчи ўринни эгаллади.
