"Ливерпуль"нинг ўнг қанот ҳимоячиси Жереми Фримпонг EЧЛ доирасидаги "Қорабоғ"га (6:0) қарши ўйин бошидаёқ жароҳат олди.

Нидерландиялик футболчи учрашувнинг 4-дақиқасидаёқ захирага олинди - унинг ўрнини Ватару Эндо эгаллади. Баҳс якунлангач, журналистлар "қизиллар" бош мураббийи Арне Слотдан трансфер ойнаси очиқлигида жамоа сафдан чиққан Фримпонг ўрнига янги футболчи олиб келишга тайёрми ёки йўқлигини сўрашди.

"Фримпонг маълум вақтни ўтказиб юборади, аммо биз клуб сифатида ҳар доим тўғри қарор қабул қиламиз ва узоқ муддатли истиқболга қараймиз. Бизда тўрт нафар ўнг қанот ҳимоячиси ва 12 нафар ҳужумчи йўқ," - деди мерсисайдликлар бош мураббийи интервьюда.

"Ливерпуль" Чемпионлар Лигаси 1/8 финалига тўғридан-тўғри йўл олди ва умумий жадвалда учинчи ўринни эгаллади.