"Liverpul"ning o‘ng qanot himoyachisi Jeremi Frimpong ECHL doirasidagi "Qorabog‘"ga (6:0) qarshi o‘yin boshidayoq jarohat oldi.
Niderlandiyalik futbolchi uchrashuvning 4-daqiqasidayoq zaxiraga olindi - uning o‘rnini Vataru Endo egalladi. Bahs yakunlangach, jurnalistlar "qizillar" bosh murabbiyi Arne Slotdan transfer oynasi ochiqligida jamoa safdan chiqqan Frimpong o‘rniga yangi futbolchi olib kelishga tayyormi yoki yo‘qligini so‘rashdi.
"Frimpong ma’lum vaqtni o‘tkazib yuboradi, ammo biz klub sifatida har doim to‘g‘ri qaror qabul qilamiz va uzoq muddatli istiqbolga qaraymiz. Bizda to‘rt nafar o‘ng qanot himoyachisi va 12 nafar hujumchi yo‘q," - dedi mersisaydliklar bosh murabbiyi intervyuda.
"Liverpul" Chempionlar Ligasi 1/8 finaliga to‘g‘ridan-to‘g‘ri yo‘l oldi va umumiy jadvalda uchinchi o‘rinni egalladi.
