"Наполи" бош мураббийи Антонио Конте жамоаси Чемпионлар лигаси плей-офф босқичига чиқишга муносиб эканини айтди.
Умумий босқичнинг сўнгги ўйинида неаполликлар ўз майдонида Лондоннинг "Челси" клубига 2:3 ҳисобида имкониятни бой бериб, турнирдаги иштирокини якунлади.
"Челси"нинг бугунги ғалабаси ёлғон эди. Биз жаҳон чемпионларидан яхшироқ ўйнадик ва Европанинг энг яхши жамоалари қаторида бўлишга лойиқ эдик" - дея Контенинг сўзларини келтиради Николо Скира.
Шу билан бирга, италиялик мутахассис "Наполи" 1/16 финал йўлланмасидан бугунги ўйин натижасига кўра эмас, балки бир ҳафта олдин "Копенгаген"га қарши кечган баҳсдан кейин маҳрум бўлганини таъкидлади.
