Чемпионлар лигаси мусобақасининг умумий босқичи 8-турида "Бавария" сафарда ПСВ устидан 2:1 ҳисобида ғалаба қозонди. Бу натижа ҳақида немис гранди бош мураббийи Венсан Компани ўз фикрларини билдириб ўтди.
"Оғир ўйинга тайёр эдик. ПСВ ҳужумда яхши ҳаракат қилади ва вазиятлардан фойдаланишни билади. Улар ажойиб зарба билан тўпни дарвозага киритишди. Мен бу ғалабадан хурсандман, чунки бундай ўйинларда қанчалик қийин бўлишини биламан. Жамоа ўтказиб юборилган голга ажойиб реакция кўрсатди", - дея бельгиялик мутахассиснинг сўзларини келтиради УEФА матбуот хизмати.
УЕФА Чемпионлар лигасининг умумий босқичи якунларига кўра, мюнхенликлар 21 очко жамғариб, иккинчи ўринни эгаллади.













