"Манчестер Сити" бош мураббийи Хосеп Гвардиола жамоа вингери Жереми Докунинг ҳолати ҳақида фикр билдирди.
Футболчи Чемпионлар лигасининг ўтган турида "Галатасарой"га қарши ўйинда (2:0) асосий таркибда майдонга тушган, аммо 37-дақиқада захирага олинганди.
"Докуда кичик муаммолар бор эди: мушаклар билан, юклама билан. Умид қиламанки, март ойига қадар у Чемпионлар Лигасида бизга ёрдам беришга тайёр бўлади. Норвегияда "Буде-Глимт"га қарши ўйинда у "Олд Траффорд"даги барчага маълум воқеалар туфайли ўйнай олмади. Афсуски, у бир неча кунни ўтказиб юборади", - деди Гвардиола.
Жорий мавсумда 23 ёшли Доку барча турнирларда 30 та учрашувда қатнашиб, 3 та гол урди ва 11 та голли узатмани амалга оширди.
