Дортмунднинг "Боруссия" клуби бош мураббийи Нико Ковач Чемпионлар лигаси доирасида Миланнинг "Интер" клубига қарши кечган учрашувда шогирдларининг ўйинидан норози бўлди. Мусобақанинг умумий босқич сўнгги тур учрашуви "асаларилар"нинг 0:2 ҳисобидаги мағлубияти билан якунланди.

"Бу ҳар икки томон учун ҳам оғир ўйин бўлди. Ўнинчи дақиқада Гирасси туфайли имкониятимиз бор эди. Агар у совуққонликни сақлаб, тўпни дарвозага йўллаганида, ўйин бошқача кечиши мумкин эди.

Биз ҳаддан ташқари ҳурмат кўрсатгандек таассурот қолдирдик. Албатта, бу "Интер," аммо бизнинг ҳам кучли томонларимиз бор. Биз баъзи вазиятлардан фойдалана олмадик, чунки нотўғри қарорлар қабул қилдик", - дея қўшимча қилди Ковач.

Умумий ҳисобда Ковач жамоаси 11 очко билан ўн еттинчи ўринни эгаллади.