Dortmundning "Borussiya" klubi bosh murabbiyi Niko Kovach Chempionlar ligasi doirasida Milanning "Inter" klubiga qarshi kechgan uchrashuvda shogirdlarining o‘yinidan norozi bo‘ldi. Musobaqaning umumiy bosqich so‘nggi tur uchrashuvi "asalarilar"ning 0:2 hisobidagi mag‘lubiyati bilan yakunlandi.

"Bu har ikki tomon uchun ham og‘ir o‘yin bo‘ldi. O‘ninchi daqiqada Girassi tufayli imkoniyatimiz bor edi. Agar u sovuqqonlikni saqlab, to‘pni darvozaga yo‘llaganida, o‘yin boshqacha kechishi mumkin edi.

Biz haddan tashqari hurmat ko‘rsatgandek taassurot qoldirdik. Albatta, bu "Inter," ammo bizning ham kuchli tomonlarimiz bor. Biz ba’zi vaziyatlardan foydalana olmadik, chunki noto‘g‘ri qarorlar qabul qildik", - deya qo‘shimcha qildi Kovach.

Umumiy hisobda Kovach jamoasi 11 ochko bilan o‘n yettinchi o‘rinni egalladi.