"Барселона"нинг 18 ёшли истеъдодли ярим ҳимоячиси Марк Берналь клубни тарк этиши мумкинлиги ҳақидаги миш-мишлар фонида клубдаги келажаги ҳақида баландпарвоз баёнот берди.
"Мен ҳар доим фақат бир нарсани - "Барселона"да ўйнашни хоҳлаганман. Мен бу клубда қолишни режалаштирмоқдаман, чунки бу менинг ҳаётим, мен бу клубни бутун қалбим билан севаман ва шундай бўлиб қолади", - деди испаниялик Mundo Deportivo нашрига берган интервьюсида.
Бу мавсумда Марк Берналь "Барселона" сафида барча мусобақаларда 15 та ўйинда майдонга тушди. Унинг клуб билан амалдаги шартномаси 2029 йилнинг июнь ойи охиригача мўлжалланган.
Эслатиб ўтамиз, "ПСЖ" яқинда "Барселона"дан 18 ёшли Дро Фернандесни 8 миллион еврога сотиб олган эди.
