Миланнинг "Интер" клуби таянч ярим ҳимоячиси Кристьян Асллани Туркиянинг "Бешиктош" клубига ижарага берилади. Бу ҳақда журналист Фабрицио Романо ўз ижтимоий тармоқларида маълум қилди.
Айни пайтда битим оғзаки келишилган. Шартнома сотиб олиш имкониятини назарда тутади, "Бешиктош" футболчига ўз маблағлари ҳисобидан маош тўлайди. Асллани турк клуби сафида июнь ойига қадар тўп тепади ва тез орада Истанбулга учиб, келишувни якунлаши кутилмоқда.
Жорий мавсумда 23 ёшли албаниялик футболчи "Торино" сафида 16 та ўйинда майдонга тушди. Унинг бозор нархи Transfermarkt портали томонидан 13 миллион еврога баҳоланмоқда.
