Opta мутахассислари Чемпионлар лигасининг умумий босқичи якунлангач, суперкомпьютерни ишга туширишди ва ундан турнир ғолибини "айтиб беришни" сўрашди.

Ҳисоб-китоблар шуни кўрсатдики, Европанинг асосий клуб турнирида ғолиб чиқиш учун энг катта имконият "Арсенал"га тегишли. Эҳтимоллик 29,8%ни ташкил этади. Қизиғи, "Арсенал" ҳали бирор марта Чемпионлар Лигасида ғолиб бўлмаган.

Иккинчи ўринда "Бавария" турибди, унинг Чемпионлар Лигасида ғалаба қозониш эҳтимоли 14,9 фоиз. Кучли учликни 10,5 фоиз кўрсаткич билан "Манчестер Сити" якунлаб берган.

Кейинги ўринларни "Ливерпуль" (8,9%), "Челси" (7,5%), "Барселона" (7%), "ПСЖ" (5,1%), "Ньюкасл" (3,2%), "Интер" (2,7%) ва "Спортинг" (2,3%) жамоалари эгаллаган.

"Реал" эса атиги 12-поғонадан жой олди (1,9%).