"Марсель" Чемпионлар Лигасида мағлубиятга учради. Умумий босқичнинг сўнгги турида провансалликлар сафарда "Брюгге"га 0:3 ҳисобида ютқазди. Натижада "Марсель" плей-оффдан қуруқ қолди - Анатолий Трубиннинг "Реал" дарвозасига (4:2) урган голи туфайли "Бенфика" голлар сони бўйича устун келди.
RMC Sport хабарига кўра, де Дзерби "Марсель" бош мураббийлигидан кетиши мумкин. Айни пайтда италиялик мутахассис клуб раҳбарияти билан музокаралар олиб бормоқда. Якуний қарор ҳали қабул қилинмаган.
Эслатиб ўтамиз, Франция чемпионати турнир жадвалида "Марсель" айни дамда учинчи ўринда бормоқда. Жамоа пешқадам "ПСЖ"дан 7 очко ортда қолмоқда.
