Туркиянинг «Фенербахче» клуби ва Италиянинг «Аталанта» жамоаси ўртасида Адемола Лукман трансфери бўйича тўғридан-тўғри музокаралар Италияда бўлиб ўтади. Бу ҳақда инсайдер Фабрицио Романо ижтимоий тармоқларда хабар қилди.

Шунингдек, «Фенербахче» футболчининг ўзи билан шахсий шартнома шартлари бўйича ҳам музокара олиб боради. Қайд этилишича, клуб ҳужумчи билан битимни амалга ошириш учун катта саъй-ҳаракат қилади.

28 ёшли нигериялик футболчи яқинда бўлиб ўтган Африка миллатлар кубогида бронза медалларига сазовор бўлган. Клуб миқёсида жорий мавсумда у 19 та ўйинда майдонга тушиб, 3 та гол урди ва 2 та голли узатма берди. Transfermarkt портали Лукманнинг трансфер қийматини 35 миллион евро деб баҳоламоқда.