Turkiyaning «Fenerbaxche» klubi va Italiyaning «Atalanta» jamoasi o‘rtasida Ademola Lukman transferi bo‘yicha to‘g‘ridan-to‘g‘ri muzokaralar Italiyada bo‘lib o‘tadi. Bu haqda insayder Fabrisio Romano ijtimoiy tarmoqlarda xabar qildi.
Shuningdek, «Fenerbaxche» futbolchining o‘zi bilan shaxsiy shartnoma shartlari bo‘yicha ham muzokara olib boradi. Qayd etilishicha, klub hujumchi bilan bitimni amalga oshirish uchun katta sa’y-harakat qiladi.
28 yoshli nigeriyalik futbolchi yaqinda bo‘lib o‘tgan Afrika millatlar kubogida bronza medallariga sazovor bo‘lgan. Klub miqyosida joriy mavsumda u 19 ta o‘yinda maydonga tushib, 3 ta gol urdi va 2 ta golli uzatma berdi. Transfermarkt portali Lukmanning transfer qiymatini 35 million yevro deb baholamoqda.
