"Барселона" Ферран Торреснинг келажаги бўйича ўз позициясини белгилаб олди.

Футболчига бир нечта клублар қизиқиш билдирмоқда. Қайд этилишича, жорий трансфер ойнасида номи ошкор этилмаган жамоа Торрес учун 45 миллион евро таклиф қилган, бироқ «Барселона» бу таклифни рад этди. Каталон клуби раҳбарияти футболчининг қиймати бундан юқори деб ҳисоблайди ва ўйинчи учун янада каттароқ таклифни кутишни режалаштирмоқда.

Жорий мавсумда Ферран Торрес «Барселона» сафида 28 та учрашувда майдонга тушиб, 15 та гол урди ва 1 та голли узатма амалга оширди.