Европа лигасининг умумий босқичи сўнгги турида «РБ Зальцбург» сафарда Бирмингемнинг «Астон Вилла» жамоасига 2:3 ҳисобида мағлуб бўлди. Ушбу натижага австрияликлар бош мураббийи Томас Леч изоҳ берди.
«Биз 60 дақиқа давомида яхши ўйнадик, 2:0 ҳисобида олдинда эдик. Учинчи голни уриш имкониятларимиз ҳам бўлди. Кейин эса майдон эгалари устунликни қўлга олди, мухлислар уларни олға ундади. Мағлубиятга қарамай, бундай рақибга қарши ўйинимиз билан фахрланишимиз мумкин», — дея Лечнинг сўзларини УЕФА матбуот хизмати келтиради.
