"Арсенал"нинг норвегиялик ярим ҳимоячиси Мартин Эдегор бош мураббий Микель Артета билан мураккаб муносабатларга эга бўлгани учун клубни тарк этиш вариантини кўриб чиқмоқда.
Topskills Sports UK нашрининг хабар беришича, Эдегор ва Артета ўртасида кескинлик кучайиб бормоқда. Маълумотларга қараганда, футболчи клубни тарк этиши мумкин, унга "Бавария" ва "Интер" клубларидан ҳам қизиқиш бор. Таъкидланишича, сенсацион трансфер клубларга тахминан 92 миллион еврога тушиши мумкин.
Эдегор 2021 йилдан буён "Арсенал" шарафини ҳимоя қилиб келмоқда. Жорий мавсумда 27 ёшли норвегиялик футболчи барча мусобақаларни ҳисобга олган ҳолда 24 та учрашувда қатнашиб, битта гол урди ва бешта ассистни ўз ҳисобига ёздириб қўйди.
