16 ёшли ярим ҳимоячи Макс Доуман Лондоннинг "Арсенал" клуби билан дастлабки шартномага имзо чекди, дея хабар бермоқда клуб матбуот хизмати.
Томонлар ўртасидаги келишув футболчи 17 ёшга тўлганидан сўнг профессионал меҳнат шартномасини имзолашни назарда тутади. Бу жорий йилнинг декабрь ойида содир бўлади.
Жорий мавсумда Доуман барча мусобақаларда "канонирлар"нинг бешта учрашувида иштирок этди.
Англия премьер-лигасининг 23-туридан сўнг лондонликлар 50 очко жамғариб, турнир жадвалида пешқадамлик қилмоқда. Микель Артета шогирдлари 2-ўриндаги "Манчестер Сити"ни 4 очкога ортда қолдирмоқда.













