"Барселона" яримҳимоячиси Педри 21 январь куни "Славия"га қарши ўйинда олган жароҳатидан тикланишда давом этмоқда.
Ўшанда клуб хавбек тахминан бир ойга сафдан чиққанини маълум қилганди. У февраль ойи охирида сафга қайтиши кутилмоқда.
"Барса"нинг Чемпионлар Лигаси 1/8 финалига тўғридан-тўғри йўл олгани ҳам қўшимча ижобий омил бўлди. Каталонияликлар турнирнинг умумий босқичини 5-ўринда якунлади ва плей-офф ўйинларидан қутулиб қолди. Энди ярим ҳимоячи босимсиз тиклана олади.
"Барса" футболчининг руҳий ҳолатидаги ўзгаришларни қайд этмоқда. Базада ҳар куни Педри билан ишлайдиган одамларнинг таъкидлашича, бу сафар у жароҳатни олдинги жароҳатга қараганда хотиржамроқ ва ишончлироқ бошдан кечирмоқда.
