"Реал"дан ижарага олинган "Лион" ҳужумчиси Эндрик Бразилия терма жамоасига жаҳон чемпионлигини қўлга киритишда ёрдам бермоқчи эканини айтди.

- "Лион"да жаҳон чемпионати учун шу ердамисан?

- Йўқ, мен бу ерга бахтли бўлиш, ўйнаш учун келганман. Албатта, мен буни орзу қиламан ва бу ўзгармайди. Худо хоҳласа, жаҳон чемпионати йўлланмаси учун курашаман, аммо менинг вазифам - бу ерда ўзимни яхши кўрсатиш, чунки клубда ёмон ўйнасанг, терма жамоага даъвогарлик қила олмайсан. Вазифам - "Лион" учун қўлимдан келганини қилиш. Ўшанда қолган ҳамма нарса келади. Шу жумладан, мамлакатга жаҳон чемпионатида ғолиб чиқишга ёрдам бериш имконияти, деди футболчи.