"Ливерпуль" яримҳимоячиси Флориан Вирц "Байер"дан трансфер олдидан Виржил ван Дейк ва Муҳаммад Салоҳ билан суҳбатини ёдга олди. Инглиз гранди немис юлдузини ўтган йилнинг ёзида "фармацевтлар"дан 125 млн еврога сотиб олган эди.
"Мен "Ливерпул"ни кейинги ривожланиш учун муносиб жой деб ҳисобладим, чунки клуб ҳақиқатан ҳам буюк. Келишдан олдин мураббий билан гаплашдим, Ван Дейк ва Салоҳ ҳам мен билан боғланишди. Улар "Ливерпул"га ўтишни ёлвориб сўрашмади, шунчаки клуб ҳақида тушунча беришга ҳаракат қилишди. Виржил келишимдан хурсанд бўлишини, жамоани янада кучлироқ қила олишимни айтди. Буни эшитиш ёқимли эди", - дейди 22 ёшли футболчи BBC билан суҳбатда.
Флориан Вирц Арне Слот жамоаси сафида 31 та ўйинда бешта гол урди ва еттита голли узатмани амалга оширди.
