"Ливерпуль" ҳимоячиси Эндрю Робертсон Англия Премьер-лигасининг 24-туридан ўрин олган "Ньюкасл"га қарши ўйин олдидан ўз фикрларини билдириб ўтди.
"Ўтган мавсумда барчаси жуда яхши ўтди. Ҳар бир ўйинда бенуқсон ҳаракат қилдик, муваффақиятли серияларни амалга оширдик ва керакли жойда очко тўпладик. Бу мавсумда ишлар нотекисроқ кетмоқда, шунинг учун агар йил охиригача мақсадларимизга эришмоқчи бўлсак, мавсумнинг иккинчи қисмида барқарорликни топишга ҳаракат қилишимиз керак.
Биз буни кўрсатишимиз керак. Кўриниб турибдики, чемпионатдаги мағлубиятдан сўнг тезда реакция билдириш муҳим. Ўтган шанба жуда кўнгилсиз ўтди. Ҳаммаси шанба оқшомида "Энфилд" чироқлари остида мухлисларимиз қаршисида майдонга тушиб, қандай яхши жамоа бўлишимиз мумкинлигини яна бир бор кўрсатишимизга боғлиқ. Умид қиламанки, агар шундай қилсак, бу уч очко учун етарли бўлади", - дея Робертсоннинг сўзларини келтиради клуб расмий сайти.
23-турдан кейин "Ливерпуль" 36 очко билан АПЛ турнир жадвалида олтинчи ўринда бормоқда. Очколари сонини 33тага етказган "Ньюкасл" эса 9-поғонадан жой олган.
