Мадриднинг «Атлетико» клуби бош мураббийи Диего Симеоне жамоанинг қишки трансфер ойнасида янги футболчиларни олиб келмаслик қарорига изоҳ берди.
Январь ойида «матрасчилар» сафини ярим ҳимоячи Конор Галлахер («Тоттенхэм»), ҳужумчи Джакомо Распадори («Аталанта») ва қанот ҳимоячиси Хави Галан («Осасуна») тарк этди. Бироқ янги футболчилар, кўринишидан, жалб қилинмайди.
«Нолта трансфер? Бу менинг ташвишим эмас. Мен мураббийман ва клуб менга берган футболчилар билан ишлаш — менинг вазифам», — дея аргентиналик мутахассиснинг сўзларини келтиради испан ОАВлари.
21 турдан сўнг «Атлетико» Ла Лига жадвалида учинчи ўринни эгаллаб турибди ва етакчи «Барселона»дан саккиз очко орқада қолмоқда.
