"Фенербахче" сафида ижара асосида тўп тепаётган "Ан-Наср" форварди Жон Дуран "Ювентус"га ўтмайди. Бу ҳақда инсайдер Фабрицио Романо хабар бермоқда.
Манбага кўра, "Ювентус" сўнгги пайтларда ОАВда тарқалган хабарларга қарамай, ҳалигача Дуранни сотиб олиш бўйича бирорта таклиф юбормаган. Таъкидланишича, туринликлар ҳозирча форвардни сотиб олишни режалаштирмаяпти. Клубнинг режасига кўра, Рандал Коло-Муаннинг "Тоттенхэм"даги ижараси якунланишини кутиш ва агар у "шпорлар" сафида қолмаса, уни қайтаришга ҳаракат қилиш режалаштирилган.
Жорий мавсумда Дуран "Фенербахче" сафида 21 та ўйинда майдонга тушиб, 5 та гол урди ва 3 та голли узатмага муаллифлик қилди. Коло-Муани "Тоттенхэм" сафида 24 та учрашувда 3 та гол ва 3 та голли узатмага муаллифлик қилган.
