"ПСЖ" бош мураббийи Луис Энрике дарвозабон позициясидаги рақобат ҳақида гапирди. Париж жамоасида асосий таркиб учун Матвей Сафонов, Люка Шевалье ва Ренато Марин рақобатлашмоқда.
"Бу борада фақат бир нарсани айтишим мумкин: бундай учта дарвозабоним борлигидан хурсандман. Менга барча позициялардаги рақобат ёқади. Бу замонавий футбол. Ҳар доим ўзгартириш мумкин бўлган нарсалар бор - мен бунга тайёрман. Такрор айтаман, бундай даражадаги учта дарвозабоним борлигидан жуда мамнунман," - деди Энрике журналистларга.
1 февраль, якшанба куни "ПСЖ" Франция чемпионатида "Страсбург" меҳмони бўлади. Ғалаба қозонилса, парижликлар очколар бўйича "Ланс"ни ортда қолдириб, турнир жадвалидаги биринчи ўринни қайтариб олади.
