"Атлетико" "Аталанта" вакили Адемола Лукман билан шартнома имзолашга яқин турибди.
Клублар 28 ёшли ҳужумчининг трансфери бўйича келишувга эришди, дея хабар бермоқда Жанлука Ди Марцио. Шу билан бирга, ўйинчининг ўзи ҳали трансферга розилик бермаган.
Қайд этилишича, футболчининг "Фенербахче" билан келишуви бўлган, аммо трансфер амалга ошмай қолган - клублар тўлов шартлари ва банк кафолатлари бўйича келиша олмаган.
Журналист Яғиз Сабунжуўғлининг ёзишича, Лукманнинг "Атлетико"га трансфери 35+5 млн еврога тушиши мумкин - "Фенербахче" билан ҳам худди шундай шартлар келишилган. Шу билан бирга, бергамоликлар мадридликлардан аванс тўловлари ва банк кафолатларини талаб қилмаган.
Испан клуби нигерияликка таклиф қилган маош турклар тўлашга тайёр бўлганидан икки баробар кам.
Нигериялик футболчи жорий мавсум А Серияда 12та ўйинда майдонга тушиб, 2та гол урди.
