"Atletiko" "Atalanta" vakili Ademola Lukman bilan shartnoma imzolashga yaqin turibdi.
Klublar 28 yoshli hujumchining transferi bo‘yicha kelishuvga erishdi, deya xabar bermoqda Janluka Di Marsio. Shu bilan birga, o‘yinchining o‘zi hali transferga rozilik bermagan.
Qayd etilishicha, futbolchining "Fenerbaxche" bilan kelishuvi bo‘lgan, ammo transfer amalga oshmay qolgan - klublar to‘lov shartlari va bank kafolatlari bo‘yicha kelisha olmagan.
Jurnalist Yag‘iz Sabunjuo‘g‘lining yozishicha, Lukmanning "Atletiko"ga transferi 35+5 mln yevroga tushishi mumkin - "Fenerbaxche" bilan ham xuddi shunday shartlar kelishilgan. Shu bilan birga, bergamoliklar madridliklardan avans to‘lovlari va bank kafolatlarini talab qilmagan.
Ispan klubi nigeriyalikka taklif qilgan maosh turklar to‘lashga tayyor bo‘lganidan ikki barobar kam.
Nigeriyalik futbolchi joriy mavsum A Seriyada 12ta o‘yinda maydonga tushib, 2ta gol urdi.













