Мадриднинг «Атлетико» жамоаси бош мураббийи Диего Симеоне «Аталанта» ҳужумчиси Адемола Лукман трансферида ҳал қилувчи роль ўйнади.
Шанба куни «матрасчилар» нигериялик футболчини сотиб олиш шартларини келишиб олди. Журналист Алессандро Пальяринининг хабар беришича, 28 ёшли ўйинчи Диего Симеоненинг шахсий аралашувидан сўнг «Атлетико»га ўтишга қарор қилган. Аввалроқ Лукман учун асосий даъвогар сифатида Туркиянинг «Фенербахче» клуби кўрилган эди.
Яқинда Симеоне трансферлар унинг иши эмаслигини айтганди, аммо айнан Лукман мадридликларнинг қишдаги илк хариди бўлиши кутилмоқда. Битим қиймати тахминан 40 миллион евро.













