«Милан» «Челси» ҳимоячиси Аксел Дисасини таркибига қўшиб олишдан воз кечди.
Аввалроқ «россонерилар» 27 ёшли француз футболчисини трансфер қилиш бўйича лондонликлар билан музокара бошлагани ҳақида хабарлар чиққан эди. Аммо журналист Маттео Моретто маълумотига кўра, италияликлар Дисаси бўйича музокараларни давом эттириш ниятида эмас.
Дисаси номзоди «Милан»га таклиф қилинган, бироқ клуб футболчини баҳолаб, ёзда сотиб олинган ҳимоячи Кони де Винтерга кўпроқ ишонишга қарор қилган.
Аксел Дисаси жорий мавсумда бирор ўйинда майдонга тушмаган. У сўнгги бор 2025 йил апрелида, «Астон Вилла»да ижара асосида тўп сурган пайтида ўйнаган.
